Haradinaj: FSK-në për dy vjet e lëshuan mbi 11 për qind e ushtarëve

13:07 | 23 Shtator 2024
A Z

Kryetari i Aleancës për Ardhmërinë e Kosovës, Ramush Haradinaj, ka shprehur shqetësim serioz, si thotë ai, për largimin masiv të ushtarëve nga Forca e Sigurisë së Kosovës gjatë dy viteve të fundit.

Sipas postimit të tij në Facebook, mbi 11% e ushtarëve kanë lëshuar FSK-në vetëm në vitet 2023 dhe 2024.

Haradinaj ka theksuar se vetëm në vitin 2023, 257 pjesëtarë kanë lëshuar FSK-në, ndërsa në vitin 2024, numri i largimeve ka kaluar 200. Haradinaj ka vënë në dukje se shumica e ushtarëve që largohen përmendim kushtet e vështira financiare dhe pagat e pamjaftueshme si arsye kryesore.

“Jam i shqetësuar seriozisht me këtë trajtim katastrofal që Qeveria po i bën Ushtrisë sonë, të cilën me shumë mund kemi arritur ta mandatojmë më 2018,” tha lideri i AAK-së. Ai ka shtuar se edhe pas katër viteve të qeverisjes aktuale, numri i pjesëtarëve të uniformuar mbetet nën 4,000, ndërsa forca rezervë e FSK-së është neglizhuar pothuajse plotësisht./rtk

Shpërndaje në rrjete sociale

Lajmet më të lexuara

Të ngjashme

Foto lajm